ला ट्रोब युनिभर्सिटी, बण्डुरा, मेलबर्न २८ मइ, २०१३: मेलबर्नको बण्डुरास्थित ला ट्रोब यूनिभर्सिटिमा अध्ययनरत बिध्यार्थीहरुको संस्था ला ट्रोब यूनिभर्सिटी नेपालिज एसोसियसनले युनिभर्सिटी हाताभित्र पहिलो पटक बुद्ध जयन्ती धुमधामका साथ मनाएको छन । यो बर्षको बुद्ध जयन्ती बिदाको दिन परेकोले र बुद्धको जन्मस्थलका बिषयमा अनाबस्यक तवरबाट दिग्भ्रम सिर्जना गरिएकोले बिदेशीहरुका बीच पनि नेपाल र बुद्ध जन्मस्थलबारे जानकारी दिने अभिप्रायले कार्यक्रम बुद्ध जयन्तीपछि बिस्वबिध्यालय खुल्ने दिन आयोजना गरिएको थियो ।
कार्यक्रममा ठूलो संख्यामा बिदेशीहरुको पनि उपस्थिति थियो । कार्यक्रममा बिस्वबिध्यालयको नियमानुसार एक घण्टा मात्रै श्रब्य सामग्री बजाउन मिल्ने भएकोले एक घण्टा बुद्धसम्बन्धी गीत र भजनहरु बजाइएको थियो । कार्यक्रमस्थल नेपाली झन्डा, बुद्ध नेपालमा जन्मनु भएको सन्देश सहितका पोस्टर, बुद्धको मूर्तिले सजाइएको थियो । मैनबत्ती, धुप, फलफूल र कार्यक्रममा उपस्थित हुनेहरुको चहल पहलले कार्यक्रम आयोजना गरिएको बिस्वबिध्यालयको ठूलो प्रांगडले बुद्ध मन्दिरको आभास दिलाएको थियो । Read the rest of this entry »