Nepal – the country of Mt. Everest and Buddha

Nepal – the country of Mt. Everest and Buddha

Archive for the ‘गीत/ कविता/गजल’ Category

सिमाना हराएको देश ………….

Posted by Ram Kumar Shrestha on January 5, 2014

टनकपुर हरायो सम्झौतामा Dilip Yonjan Tamang
माहाकाली लुटियो सन्धिमा
टिष्टा काङ्गाडाको त के कुरा
मेरो देशको रास्ट्रियता
बिर गोर्खालीको देशमा माटो हराईरहेछ
सन्धि र सम्झौता नबुझ्ने पसु नेताहरुले
रास्ट्र र रास्ट्रियता माथी खेलबाड गरेकोछ
पुर्बमा गएर पस्चिमको बिकास, रोजगारी
पस्चिममा गएर पुर्बको बिकास सुनाएकोछ
जनतालाई झुकाउनसम्म- झुकाएकोछ।
*******************************
 
बिरोध नभएको हैन बारुद गनाए पनि
मातृभुमीको माया नगरेको हैन नेपालीहरुले
आस्वासन र बिस्वास नदिएको हैन
कहिले नया दिल्ली…… कहिले काठमान्डौ……..
मन्त्रि र सचिबको मिटिङले माटो र सिमाना हराए पनि।
******************************************

Posted in गीत/ कविता/गजल | Leave a Comment »

नयाँ बर्षको शुभ-कामना

Posted by Ram Kumar Shrestha on April 14, 2013

By हरि नेपाली ‘बिबश’

शहिदका सपनाहरुको निर्मम बली नहोस् नयाँ बर्ष
सामन्ती शाषकहरुको घरमा हली नहोस नयाँ बर्ष

Hari Nepali

सर्वहाराबाट छलाङ् मार्दै रातारात मालिक बनेका
कपटी नव–शकुनीहरुको मृगस्थली नहोस नयाँ वर्ष Read the rest of this entry »

Posted in गीत/ कविता/गजल | Leave a Comment »

आमाको काख खोजेको रैछु त्यो कहिल्यै जानिन (Video)

Posted by Ram Kumar Shrestha on December 1, 2012

डा कविताराम श्रेष्ठ, वेलायत

(चौथो लुम्बिनी-कपिलवस्तु दिवसका लागि वेलायतबाट डा कविताराम श्रेष्ठबाट प्राप्त कविता)

Posted in गीत/ कविता/गजल, भिडिओ | Leave a Comment »

आमाको काख खोजेको रैछु त्यो कहिल्यै जानिन

Posted by Ram Kumar Shrestha on December 1, 2012

डा कविताराम श्रेष्ठ, वेलायतkavitaram-shrestha

(चौथो लुम्बिनी-कपिलवस्तु दिवसका लागि वेलायतबाट डा कविताराम श्रेष्ठबाट प्राप्त कविता)

विश्वको उच्च शीखर सगरमाथाले गर्वकासाथ उदघोष गरिरहेछ, म त्यस माटोबाट निर्मित छु जुन माटोमा मानव सभ्यताका शिखरपुरुष महामानव गौतम बुद्धले जन्म लिएका थिए । मलाई पनि गर्व छ म पनि त्यही माटोमा जन्मिएँ जुन माटोमा पृथ्वीका उच्च शिखर अवस्थित छ र जहाँ पृथ्वीको उच्च मानवशीखर पुरुषले जन्म लिएका थिए । सन्दर्भ हो, यस्तो स्वाभिमान सिर्जित गर्ने प्रतिक गौतम बुद्ध नेपाली भूमिमा जन्मेका हुन् – यो वास्तविकता नै छायाँमा पर्न जानुको पीडाको, सन्दर्भ हो यसै पीडाको कारणबाट जिन्मिएको लुम्विनी – कपिलवस्तु दिवश विश्व अभियानको, जसले सन् २००९ डिसेम्बर १ देखि आज सन् २०१२ डिसेम्बर १ सम्म विश्वभर आफ्नो संजाल फैलाएर अनेकन सफलता पनि हासिल गरिसकेको छ र जसले हामीलाई अरु बढी आन्दोलित हुन उत्साह र उर्जा प्रदान गरेको छ । हामी त्यस माटोको प्रवर्द्धन गर्दैछौँ जुन माटोले बुद्धजस्तो महान विभूतिलाई जन्म दियो र उनलाई महानतम बुद्धत्व प्राप्त गर्ने प्रज्ज्वलित सँस्कार प्रदान गर्यो ।

व्यक्तिको व्यक्तित्व विकासमा जन्मभूमीको अहम भूमिका हुने गर्दछ । कुनैपनि चेतनशील व्यक्तिले माटोको यो ऋणलाई यसरी बुझ्दछ । बुद्धजस्तो महान व्यक्तिले कसरी यो भुल्दथे ? ज्ञान प्राप्त गरेपछि त्यस माटोलाई कृतज्ञतापूर्ण ढोग दिन उनी कपिलवस्तु आएका थिए । म कल्पन्छु, कपिलवस्तु टेक्ने वित्तिकै उनले माटोमा निधार विसाउँदै लुम्बिनीलाई हात जोडेर यसरी कृतज्ञता ज्ञापन गरेका थिए –

जुन माटोले यो देह दियो त्यो माटोलाई नमस्कार
जुन हावाले यो प्राण दियो त्यो हावालाई नमस्कार
जुन पानीले यो रगत दियो त्यो पानीलाई नमस्कार
जुन पर्यावरणले यो संस्कार दियो त्यो पर्यावरणलाई नमस्कार
जननीजन्मभूमीश्च स्वर्गादपि गरियसी ।

यतिखेर म त्यस क्षणलाई सम्झदैछु जहिले म आफ्नो जन्मभूमी ओखलढुंगामा २५ वर्षको अन्तरालमा पुगेको थिएँ र भावविह्वल भएर एउटा गीति कविता रचेको थिएँ । मलाई लाग्छ मलाई जे भएको थियो त्यसबखत बुद्धलाई पनि त्यस्तै सुखद मनस्थिति भएको थियो । आज म यहाँहरुसमक्ष त्यही गीति कविता प्रस्तुत गर्दैछु । यो गीति कवितालाई म आफैले संगीतमा ढालेर रेकर्ड पनि गरेको छु । यसमा कवितावाचन म आफैले र गायन मेरा मीत्र डम्बर ढकालले गरेका थिए । यो मेरो सांगीतिक अल्बम माटो बोल्छमा समाहित छ । यसको बोल छ –

यो मेरो तातो धुकधुकी भन्छ
गाउँमात्र आइनं
गाउँको काख अतितमा आएँ
त्यो पत्तै पाईन
त्यो पाखा पर्वत खोला र नाला
अतितलाई बोकेर
जहाँको तहीँ बसेको रैछ
यो ज्यानलाई पर्खेर
बालख कालको त्यो मेरो क्षितिज
त्यो सानो आकाश
झलझली आयो आँखाको सामु
सजिलो आभास
जिन्दगी भर के खोजें मैले
क्यै पत्तो पाइन
आमाको काख खोजेको रैछु
त्यो कहिल्यै जानिन

Posted in गीत/ कविता/गजल | Leave a Comment »

पुनारवृत्तिमा परिवेशहरु … (VIDEO)

Posted by Ram Kumar Shrestha on December 1, 2012

-मधु माधुर्य  अभयपुर, दोलखा ( हाल : मस्को, रुस महासंघ)

(चौथो लुम्बिनी-कपिलवस्तु दिवसका लागि रसियाबाट डा मधु माधुर्यबाट प्राप्त कविता)

Posted in गीत/ कविता/गजल, Video | Leave a Comment »

पुनारवृत्तिमा परिवेशहरु …

Posted by Ram Kumar Shrestha on December 1, 2012

-मधु माधुर्य  अभयपुर, दोलखा ( हाल : मस्को, रुस महासंघ)Madhu
(चौथो लुम्बिनी-कपिलवस्तु दिवसका लागि रसियाबाट डा मधु माधुर्यबाट प्राप्त कविता)
समय नदि बगिरहेको थियो बगि नै रहेछ …
बगिरहेको थियो समय नदि बगि नै रहेछ …
मोनालिसाको मुस्कान दिदीको ओंठमा
बसाईं सर्न नसकेको धेरै भयो
गुराँसको रंग विवाहित बहिनीको सिउँदोमा
बग्न  सकेको छैन
विद्रोहका आदिम /अथकित खेताला हामी
झ्याउँकिरी कराएर मात्र भयो के ?
पोखिएर इन्द्रेणी मातृमाटोमा
बसन्त फुल्न सकेको छैन ….
माटो “पानी पानी ” भनेर छट्पटाएको  बेला –
पग्लेको हिमाल पनि
मेचीको बाँध र टनकपुर् दुखेरै बिलाउँछ
मानौं : ढुङ्गा, माटो, मान्छे पनि पानीबिना नै बाँच्छ
जस्तो कि “जाबो (?)” संबिधानबिना पनि देश बाँच्छ
तस्करले फाँडेको पुर्व घनाजंगलको नाङ्गो चउरमा
डाँफे नाच्यो त् के भयो ?
लेन्डुपहरुको निर्जीव छायाँमा पनि हाम्रो मृत्यु नाच्छ …

Posted in गीत/ कविता/गजल | Leave a Comment »

नेपालको सपना

Posted by Ram Kumar Shrestha on August 12, 2012

धरातल एउटै थियो, कोही महलमा पुगे कोही बगरैमा छन ।
गाउँमा खुशी ल्याउँछु भन्दै हिंडेकाहरु उतै शहरैमा छन ।।

के पाउने आशमा क-कस्ले के के गुमाए लेखा जोखा छैन ।
दुस्ट सबै पुस्ट भैसके निमुखा आँफै छाक टार्ने रहरैमा छन ।।

जगत सारा पुकार्दै छन शान्ति र सदभावको लागि ।
सुन्दैनन कोही ती त दक्षिण दैत्य पुज्न धुप बत्ती अगरमै छन ।।

कोशी बेचियो कर्णली बेचियो लुम्बिनी दागा धर्दै छन दैत्य ।
जनताको लागि लडेकाहरु लिलाम गर्न देश उतै दिल्ली नगरमै छन ।।

आलोपालो स्वार्थको कुण्डमा, जनताको पुरोडास हाले .
सती गयो जनताको त्याग, समृद्ध नेपालको सपना शायद सगरमै छन ।।

अनुपम पाठक
मेलबर्न

Posted in गीत/ कविता/गजल | Leave a Comment »

नववर्ष २०६९ को शुभ-कामना

Posted by Ram Kumar Shrestha on April 12, 2012

By चिन्तन शर्मा 

नववर्ष तिमी विश्वासको दीप जलाइ आऊ ।

चारैतिरवाट शान्तिको झण्डा फहराइ आऊ ।।

धेरै वहाए रगत जनताले यस धर्तिमा

रक्तिम धरामा श्रृजनाको नदी वगाइ आऊ ।।

मातृभूमीको दुर्गति देखेर निराश वनेको

जनमानसमा उत्साहको ज्वाला उठाइ आऊ ।।

धनी र गरीवविच विभेद सुल्झाउने

राहतको नयाँ अवधारणा वनाइ आऊ ।।

हिंसा र आतंकवाट पिडीत वुद्धको देशमा

“वसुधैव कुटुम्वकम्” को सन्देश फैलाइ आऊ ।।

Posted in गीत/ कविता/गजल | Leave a Comment »

गजल

Posted by Ram Kumar Shrestha on February 19, 2012

By डा. हरिकुमार श्रेष्ठ
स्युचाटार २ काठमाडौँ

बुद्ध जन्मेको देशमा जन्मने कुपुत्रले लुम्बिनीकै नाश गर्ने भए
दान दक्षिणा र अमन चयनको लागि विदेशीकै आश गर्ने भए ।

छैन गौरव नेपालीपनमा क्याउँ-क्याउँ गर्छन् लुम्बिनी प्रचार गर्नेको
जे छन् बुद्ध जन्मेको प्रमाणहरु विस्तारै विदेशमै पास गर्ने भए ।

औडाहा हुँदैछ देशद्रोहीलाई देशको ज्योति छर्दै हिड्नेहरुसँग
त्यसैले त बुद्धको प्रचार गरी हिड्नेको विदेशमै लास गर्ने भए ।

गर्छन् उजुरी कान फुक्दै इमिग्रेसनमा विदेश प्रवेश निषेधलाई
दानवहरुले बुद्धको जन्मथलो नास्दै एकछत्र बास गर्ने भए ।

घेर्नेछन् तिनले अझै कुनाकाप्चा नै पुगी निमुखा जनता सबैलाई
डटेर मुकाविला गर्ने कि त सबले राष्ट्रियताको आभास गर्ने भए ।

************************************************************************************************** Read the rest of this entry »

Posted in गीत/ कविता/गजल | Leave a Comment »

कपिलवस्तु हाम्रो

Posted by Ram Kumar Shrestha on November 30, 2011

कपिलवस्तु हाम्रो ज्ञानभूमी बुद्ध हाम्रो शान
ज्यानको आहुती दिएर बचाउँछौं स्वाभिमान

परि आए तयार हुन्छौं रगतले धर्ती सिंच्न
दशगजा होईन रातारात वैरीले सीमा मिच्न

नेपालीको इज्जतसँग खेलबाड गर्न नखोज्नु
नेपालीको गौरवगाथामा गिद्दे नजर नगाढनु

आआफ्नो संस्कृतिको रक्षा गर्दा हुन्छ राम्रो
विश्व भरी प्रख्यात बनेको कपिलवस्तु हाम्रो Read the rest of this entry »

Posted in गीत/ कविता/गजल | Leave a Comment »

शहिद म‏

Posted by Ram Kumar Shrestha on September 11, 2011

छाती तिम्रा टेक्ने पाईला, हिंडे काटी म
बनि सैनिक राष्ट्र सिङ्गै, हिंडे लडी म
भूमि युद्ध, मैदान क्रान्ति, हिंडे दौडी म
आँखा काला, नियत खराब, हिंडे फोडी म |

काटी मुण्डा, बनि चण्डी, हिंड्थें गर्जी म
खुँडा, भाला, कर्द गर्जन, सिंहनादै म
बाण तिखा, गोलि ताता, थाप्थें छाति म
बिछ्याई लहु भेल सरि, बढ्थें उर्ली म ||

निर्मित नेपाल लडी मैले, भएँ धुलो म
बलिदानै उपहास, भएँ पात्र म
युद्ध मेरा बिलिन कता, देख्छु आज म
पुछ्ने सिन्दुर छोरो आफ्नै, जल्छु भित्र म |

हाँसी खुशी बेच्छन आमा, भएँ बिबस म
रुन्छिन आमा कोक्याउँदै,  हुन्छु पिडित म
छैनन कोहि सुन्ने उनको, तड्पिई बस्छु म
मलामी छन् खुशी सारा, भएँ अबोध म || Read the rest of this entry »

Posted in गीत/ कविता/गजल | Leave a Comment »

केही गेडीहरु

Posted by Ram Kumar Shrestha on June 6, 2011

By कोशराज श्रेष्ठ

गेडी १ 


हाम्रो गाउ-घरमा ,आन्दोलन पस्यो रे !
तल्ला घरे अन्तरे ,जुलुसले डस्यो रे !
छिनैमा ,
मान्छे मर्छन् ,मध्य दिनैमा !

अझै पनि बाटोमा ,गोली चल्न छाडेन !
धेरै भयो पर्खेको ,अझै शान्ती बाडेन !
बोकेको ,
कस्ले होला ,अझै रोकेको !
************************************************************* Read the rest of this entry »

Posted in गीत/ कविता/गजल | Leave a Comment »

बुद्ध जयन्ति

Posted by Ram Kumar Shrestha on May 17, 2011

डा. हरिकुमार श्रेष्ठ, ताइपेई ताइवान

आज २५५५ औं बुद्ध जयन्ति
परम्परागत चल्दै आछ  
दिनहुं बुद्ध र उनका उपदेशहरु 
विश्वभर लोकपि्रय हुंदै आछ 
तर उनको जन्मभूमीबारे 
मौनता र ओझेलमा राखियाछ 
त्यसैले यस सवालमा निकै नै
प्रचार प्रसार गर्नै पर्ने भाछ । 

किनकि  
आज यी विश्व धरोहरको जन्मस्थानबारे 
विश्व जनमा भ्रम छरि धावा बोिलंदै छ 
भारतबाट नक्कली कपिलबस्तु निर्माण गरी 
पर्यटकहरुलाई स्वागत कक्ष खोलिंदै छ  
के यो मानव अधिकारको ठाडै हनन् हैन त  
के यो बुद्धको जन्मस्थान कपिलबस्तु नेपाल र 
बुद्धका उपदेशहरुको खिल्ली उडाइएको हैन त?

के अब त साँच्चै नै 
विश्वभरका बुद्ध धर्मालम्बीहरु र अनुयायीहरु 
एकै स्वरमा बोल्नु पर्ने बेला हैन र  
के सारा नेपालीहरु पनि 
रास्ट्रियताको सवालमा एकजुट हुनु पर्ने बेला हैन र    
कहिले कांही आवाज नगुन्जने पनि हैनन् 
तर सुन्ने र गर्ने धेरै भएनन् 
किनकि हाम्रा केही राष्ट्र्घातिहरु
आफ्नो स्वाभिमान उँचो राख्न तयार थिएनन् ।

Read the rest of this entry »

Posted in गीत/ कविता/गजल | Leave a Comment »

“आपोकालिप्सिस” : एउटा “आपोकालिप्सिस” ढाल्नुछ

Posted by Ram Kumar Shrestha on March 23, 2011

मधु माधुर्य ( हाल : रसिया)

एक्लो सगरमाथा –

ठिंग उभिनुको कुनै अर्थ छैन अब

पग्लेर थुप्रै हिमालहरु

वागमती ‘टुकुचा’ बगिरहेछ …

 

विसर्जनको प्रवाहसंगै

इतिहासको जंडू नियति

दक्षिण बगिरहेछ

‘चुनामी’ नेताहरुको

जिजिविषा

भत्काउँदै

मठ-मन्दिर र गुम्बाहरु

थाप्दै दक्षिणको “आशिर्वाद”

उक्लिरहेछ

विकराल आपोकालिप्सिस :

उही सिक्किमको भीरबाट

देश खस्ने खतराको

अप्रिय  संकेत –

२-४ कुपुत्रहरुको उन्मादपूर्ण अट्टहास

वा आफ्नै आमा विरुद्धको ‘मुर्दाबाद’

भस्मासुरको कालो हात बनेर

भविष्यको पुर्पुरोतिर

बेरोकटोक / खुलमखुल्ला

डुलिरहेछ  … Read the rest of this entry »

Posted in गीत/ कविता/गजल | Leave a Comment »

देशभक्ति भावपूर्ण कबिताहरु

Posted by Ram Kumar Shrestha on February 9, 2011

Read the rest of this entry »

Posted in गीत/ कविता/गजल, भिडिओ, समाचार | Tagged: | Leave a Comment »

 
%d bloggers like this: