Nepal – the country of Mt. Everest and Buddha

Nepal – the country of Mt. Everest and Buddha

साँगामा बन्दैछ मल्लकालीन शैलीको गाउँ

Posted by Ram Kumar Shrestha on December 27, 2012


११ पुस, काठमाडौं । काभ्रेको साँगामा मल्लकालिन निर्माण शैली झल्काउने घरहरुको बिशेष नमूना गाउँ बन्ने भएको छ ।

काभ्रेको साँगास्थित सरस्वती डाँडामा रहेको ५४ रोपनी क्षेत्रफलमा मल्ल कालको झल्को दिनेगरि ५० वटा घर बनिरहेका छन् । जसको बाहिरी स्वरुपमात्र हैन, भित्री निर्माण पनि मल्लकालको जस्तै हुने छ । काठमाण्डौमा बनेका पश्चिमा शैलीका हाउजिङको बिक्रि निराशाजनक रहेका बेला पुराना शैलीका घरहरुको बिक्रि थालिएको छ ।

‘अब बन्न लागेका घरहरुमा चोटा, दलिन, थाम, बुईगल, पिढिको स्वरुप सृजना हुनेछ ।’ योजनाका संयोजक रविन्द्र पुरीले भने-’नमूना गाउँमा ढुङ्गेधारा, पाटी, चैत्य, मन्दिर, चौतारो पनि हुनेछन ।’ बिभिन्न पाटीपौवा, बिद्यालय, मन्दिर पुननिर्माण गरेर भिन्न नाम बनाइसकेका पुरीले यो वस्तीमा परम्परा र सम्पदाका कुरा मात्रै रहने बताए ।

स्पेनी नागरिक फर्नान्डो पालाजुयेलोसंगको सहकार्यमा नमुना गाउँ बनाउन जुटेका पुरीले यही शनिबार गाउँमा बनेका तीनवटा नमूना घरको प्रदर्शनी तथा बुकिङ आरम्भ गर्ने भएका छन् । ७० लाखदेखि १ करोड १० लाख रुपैंयासम्म पर्ने यी घरमा ५ आनादेखि ११ आनासम्म जग्गा रहने उनको योजना छ ।

पहिलो चरणमा २० वटा मात्रै घर बुकिङ गरिने जानकारी दिंदै पुरीले बुकिङ गरेको एक बर्षपछि घर जिम्मा लगाइने बताए । ढुङ्गा, इटा, माटो र डाँचीका भिन्न स्वरुपमा बन्ने अढाइ तले घर ‘लोड बेरिङ’ पद्दतीमा आधारित हुनेछ । ‘व्यवसायभन्दा बढी सेवा र नमूना कामको अर्थमा यो योजना अघि सारेको हुँ,’उनले भने-’हाउजिङका नाममा आफ्नोपना र बास्तु शिल्पीलाई भुल्ने काम गरिनुहुन्न भन्ने मान्यता मैंले राखेको छु ।’

जीर्ण घरलाई पुनःनिर्माण गरेर परम्परागत स्वरुपमा ढाल्न पुरी निपूर्ण छन् । भक्तपुरको दत्तात्रयमा उनले निर्माण गरेको बास्तुकलायुक्त नमूना घरले सन् २००४ मा ‘युनेस्को अवार्ड’ पाएको थियो ।

साँगामा बन्दैछ मल्लकालीन शैलीको गाउँ :: Nepal, Political News, Science, Social, Sport, Ecomony, Business, Entertainment, Movie, Audio, Video, Nepali Model, Actor, Actores, Interview.

Advertisements

One Response to “साँगामा बन्दैछ मल्लकालीन शैलीको गाउँ”

  1. prabha said

    Good effort. It may attract people who are interested to Nepal.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: