Nepal – the country of Mt. Everest and Buddha

Nepal – the country of Mt. Everest and Buddha

“आपोकालिप्सिस” : एउटा “आपोकालिप्सिस” ढाल्नुछ

Posted by Ram Kumar Shrestha on March 23, 2011


मधु माधुर्य ( हाल : रसिया)

एक्लो सगरमाथा –

ठिंग उभिनुको कुनै अर्थ छैन अब

पग्लेर थुप्रै हिमालहरु

वागमती ‘टुकुचा’ बगिरहेछ …

 

विसर्जनको प्रवाहसंगै

इतिहासको जंडू नियति

दक्षिण बगिरहेछ

‘चुनामी’ नेताहरुको

जिजिविषा

भत्काउँदै

मठ-मन्दिर र गुम्बाहरु

थाप्दै दक्षिणको “आशिर्वाद”

उक्लिरहेछ

विकराल आपोकालिप्सिस :

उही सिक्किमको भीरबाट

देश खस्ने खतराको

अप्रिय  संकेत –

२-४ कुपुत्रहरुको उन्मादपूर्ण अट्टहास

वा आफ्नै आमा विरुद्धको ‘मुर्दाबाद’

भस्मासुरको कालो हात बनेर

भविष्यको पुर्पुरोतिर

बेरोकटोक / खुलमखुल्ला

डुलिरहेछ  …

 

शव्दको अभावमा

मुर्ख

दृश्यहरुको क्यानभासमा

प्याच्च प्याच्च  थुकिरहेछु :

“थुइक्क” !

…………

“थुइक्क” !!

………..

“थुइक्क” !!!

 

स्थायी आवेगको

मूर्त चित्रमा

एक्लै एक्लै

म –

फलामको अभ्यास गरिरहेछु

चीसो ओस

चारैतिरबाट

चाटिरहेछ मलाई !

 

रोपेर

महँगो स्वाभिमान

यो उर्वर माटोमा

फेरि

अर्को सगरमाथा

उभिदिन्छु

बुझ पचाउँदै –

“एक्लो सगरमाथा –

ठिंग उभिनुको कुनै अर्थ छैन अब

पग्लेर थुप्रै हिमालहरु

वागमती ‘टुकुचा’ बगिरहेछ …”

Facebook

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: