Nepal – the country of Mt. Everest and Buddha

Nepal – the country of Mt. Everest and Buddha

अष्ट्रेलियामा नेपाली भाषा पाठशाला

Posted by Ram Kumar Shrestha on March 9, 2011


By नारायण खड्का

सिडनी, कार्तिक ४ – नेपाली भाषालाई प्रवर्द्धन गर्न र लोप हुन नदिन सामुहीक रुपमा अष्ट्रेलियामा नेपाली अध्ययन पाठशाला शुरु गरिएको छ । अहिलेसम्म यहाँ दुइ वटा नेपाली पाठशाला सञ्चालनमा आएका छन् ।

गुठी संस्थान अष्ट्रेलियाको पहलमा एक र नीजि तवरबाट एक गरि दुइ वटा नेपाली पाठशाला सञ्चालनमा ल्याइएको छ । यहाँ सञ्चालित दुई बिद्यालयमा अहिलेसम्म ५० जना नेपाली बालबालिकाहरु अध्ययन गरिरहेका छन् । जसमध्ये सबै अष्ट्रेलियामा जन्मिएका बालबालिकाहरु हुन् ।

करिब १ महिनाअघिदेखि यहाँको ग्रानभिलमा स्थापना गरिएको सम्झना पाठशालाका सञ्चालक सन्तोष दहालका अनुसार नेपालीका बालबालिकाहरुले नेपाली भाषा भुल्दै गएकाले आफ्नो भाषालाई बचाउन यो अभियानको थालनी गरिएको बताए । उनका अनुसार अंग्रेजी समुदायमा हुर्कने भएकाले नेपाली भाषा लोप हुने सम्भवाना बढ्दै गएकोले अभियानको थालनी गरिएको हो ।

गुठी संस्थान र गोर्खा नेप्लिज कम्युनिटीद्धारा ६ महिनाअघि म्यारिकभिलमा सञ्चालन गरिएको शब्दमाला पाठशालाले भने यहाँ नेपाली भाषा सिकाईमा महत्वपुर्ण योगदान गरेको छ । करिब ४० जना बालबालिका अध्ययन गरिरहेको यो पाठशालालाई अष्ट्रेलिया सरकारले यस बर्ष ५ हजार डलर अनुदान प्रदान गरेको छ । यहाँको सरकारले सामाजिक संघसंस्थाहरुलाई प्रत्येक बर्ष सम्मान र हौसला स्वरुप केही नगद सहयोग दिने नियमअनुसार यस बर्ष यस बिद्यालयले सहयोग प्राप्त गरेको हो ।

शब्दमाला पाठशाला सञ्चालक समितिकी उपाध्यक्ष नीलम प्रधानाङ्गले नेपाली बिद्यालय सञ्चालनमा शुरुमा समस्या आएको भएपनि अहिले उत्साहजनक रुपमा बिद्यार्थीहरु आइरहेको बताइन् । उनका अनुसार अहिलेसम्म ४० जना नेपाली बालबालिकाहरु पाठशालामा अध्ययन गरिरहेका छन् । यहाँ जन्मिएका नेपाली बालबालिकाहरुले नेपाली भाषा बोल्न, लेख्न र पढ्न नजान्ने भएकाले यस्तो पाठशाला शुरु गरिएको उनको भनाई छ ।

यहाँ सञ्चालन भएका पाठशालाहरुले नेपाली पाठ्यपुस्तक नेपालबाटै ल्याउने गरेका छन भने पढाउने बिधि पनि नेपालका बिद्यालयको जस्तै छ । नेपालमा शिक्षण ज्ञान भएका शिक्षकहरु मार्फत अध्ययन हुने यहाँको बिद्यालयले अध्ययन वापत केही रकम समेत लिने गरेका छन् । यिनीहरुले बार्षिक ३ सय ५० अष्ट्रेलियन डलरसम्म शुल्क लिने गरेका छन् ।

@ekantipur

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: