Nepal – the country of Mt. Everest and Buddha

Nepal – the country of Mt. Everest and Buddha

५० परिवारलाई घर छाड्न एसएसबीको धम्की

Posted by Ram Kumar Shrestha on August 12, 2010


’पहिले सात दिनमा छाडिसक्नू भने। पछि दुई महिनाको समय दिएका छन् ।’

झापा, दक्षिणी झापाको पाठामारी-८ का ५० परिवारलाई तत्काल घर छाड्न भारतीय सीमा सुरक्षा बल (एसएसबी) ले धम्की दिएको छ । हतियारसहित प्रवेश गरेका भारतीय सुरक्षाकर्मीले तत्काल घर छाड्न धम्की दिएका हुन् । धम्कीपछि एसएसबीले स्थानीयका १० वटा कच्चीघर भत्काइदिएको छ । वर्षर्देखि नेपाली भूमिमा बस्दै आएका पाठामारी-८ का पानीलाल यादव, चिनीलाल यादव, सफी आलम, नारायण यादव, गोपीलाल झालगायतका परिवारलाई घर छाड्न भारतीय सुरक्षाकर्मीले धम्की दिएको स्थानीय अमरुद्दिन मियाले जानकारी दिए ।

‘यहाँ आएर नापे, अनि किला ठोकेर यो ठाउँ खाली गर्नू भन्दै गएका छन्,’ पाठामारी-८ का सवीर आलमले भने, ‘पहिले सात दिनमा छाडिसक्नू भने । पछि दुई महिनाको समय दिएका छन् ।’ पहिले नेपाली जमिनमा बसेका पाठामारी-८ का ५० परिवार ०५३ सालमा गाडिएको नयाँ स्तम्भपछि दसगजा क्षेत्रमा परेका छन् ।

‘त्यहाँको ६ नम्बर जंगेपिलरलाई आधार मान्ने हो भने त्यो नेपाली भूमि हो, ०२१ सालको सर्पट नापीबाट नेपाली जग्गाधनी प्रमाण पुर्जा बनेको छ,’ सीमासम्बन्धी जानकार मेची क्याम्पस प्रमुख चिन्तामणि दाहालले भने, ‘११२ नम्बर पिलरलाई आधार मान्दा मात्रै त्यो दसगजा क्षेत्र पर्छ ।’ उनले अन्तर्राष्ट्रिय सीमासम्बन्धी कानुनलाई मान्ने हो भने एकपक्षीय रूपमा आएर कसैलाई घर छोड भन्ने अधिकार नरहेको बताए ।

त्यहाँको दसगजा क्षेत्रमा भारतीय पनि बसेका छन् । तर, एसएसबीले नेपालीलाई मात्र धम्की दिएको जानकारी दिँदै आलमले भने, ‘उनीहरूले यहाँ भिडन्त पनि हुन सक्छ भनेका छन् ।’ एसएसबीले घरका टाटी पनि भत्काइदिएको छ । १११ नम्बर पिलर भने मेचीपारि पर्छ, त्यो ठाउँमा एसएसबीको क्याम्प छ । उनीहरूले दसगजा मात्र होइन, नेपाली भूमिमै क्याम्प बनाएका छन् । भारतीय दादागिरीबारे मंगलबार नेकपा माओवादी र बुधबार थानीय प्रशासनले स्थलगत अध्ययन गरेको छ ।

अध्ययनपछि माओवादीले कूटनीतिक मर्यादाविपरीत आफैँ नापजाँच गरी सीमांकन गरेको भन्दै अतिक्रमण रोक्न भारतलाई चेतावनी दिएको छ । निरीक्षणपछि माओवादी सभासद् पूर्णसिंह राजवंशीले सीमा अतिक्रमणबारे परराष्ट्र मन्त्रालयलाई जानकारी गराइने बताए । सीमा क्षेत्रको अध्ययन गरेर फर्किएका झापाका प्रहरी उपरीक्षक रवीन्द्र शर्माले समस्या समाधानका लागि छिट्टै दुई देशका सुरक्षा अधिकारीको बैठक बस्ने सहमति भएको बताए ।

Advertisements

One Response to “५० परिवारलाई घर छाड्न एसएसबीको धम्की”

  1. My blood boils up to the zenith whenever I get to know about us dominated by India. May be its time for all of us to unite and to raise our voice. For now, I’m doing what I could do. I have made an effort to raise the youths in this topic through my website: http://archivenepal.com It’s time to rise not to fall

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: