Nepal – the country of Mt. Everest and Buddha

Nepal – the country of Mt. Everest and Buddha

खोज्दैछु मेरो पहिचान

Posted by completenepal on March 12, 2010


By चन्द्र घर्ती मगर

उसले मेरो परिचय माग्यो
‘शान्ति दूत’ शानसंग भनिदिएँ,
बुद्धको देश ।
आश्चर्यको कुरो !
बुद्ध त इन्डियामा पो जन्मिएको रहेछ !

मेरोबारे जान्न चाह्यो
आफ्नैपनको कलामा भनिदिएँ,
बलबाहुको देश ।
अचम्मको कुरो !
बलबाहु तिब्बतको पो रहेछ !

मेरो अस्तित्व खोज्यो
उच्च शीर उठाएर भनिदिएँ,
सगरमाथाको देश ।
अनौठो कुरो !
सगरमाथा चिनमा पो पर्दो रहेछ !

मेरो पहिचान सोध्यो
छात्ती फुलाइ गर्वले भनिदिएँ,
सुन्दर देश नेपाल ।
असम्भव कुरो !
नेपाल त भारतमा पो पर्दो रहेछ !

उसैले थप प्रश्न गर्यो
तर, म निरुत्तर भएँ
मेरो टाउको झुकिरह्यो
किन कि,
मैले बल्ल थाहा पाएँ
माथिल्लो छिमेकीले भित्र भित्रै षडयन्त्र गरेछ
तल्लो छिमेकीले झन ईतिहास नै बङ्याएछ
म त अस्तित्व गुमाएको
पहिचानहिन नेपाली पो भएछु ।

हो, म त झण्डैले
पृथ्बिको ग्लोबमा नअटाउने
अपूर्ण मानचित्र पो ठानिएछु ।
सहि भूगोल बुझ्न नसक्ने
बुझक्कड अबुझ पो सोचिएछु ।
आफ्नै माटो बचाउन नसक्ने
मृत देशभक्त पो बनेछु ।
देशको सीमा चिन्न नसक्ने
शिक्षित अज्ञानी पो भएछु ।

अब भने,
ग्लोब पनि नियाल्दैछु ।
भूगोल पढ्न सिकेकोछु ।
माटो खोज्न थालेकोछु ।
सीमा चिन्न जानेकोछु ।
ईतिहास बुझ्ने भएकोछु ।

http://madihungri.blogspot.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: